කාලය යනවා
ඉර හද තරු පාස් කරන්
අවුව වැස්ස පාස් කරන්
කාලය යනවා

තරුවකට බෑ

සදේ හිඩැස වහන්න
අමාවකට බෑසදේ එළිය දකින්න
වැහි බිදුවකට බෑ
ආය අහස දකින්න

අතීතයට උපමාවල් කියන්න
වර්තමානෙ උපමේයන් හදන්න
අනාගතෙ ප්‍රස්තව පිරුලක් කරන්න
මොහොතකට ඉඩක් දෙන්න

වචනයෙන් කියන්න නොකියනා හැගුමන් ඔය නෙත් කියනා රහස් ඇත්තක්ද කියන්න

තොල් පෙතිත් හැගුම්බරයි එනමුත් දුරස්තයි ඇය ඔබේ අත් බැදන් මා ඔබේ නෙත් බලන් වෙන් නොවෙන රේණුවල දයිවය කෙලෙස ලියන්නද අසරණයි ඔය දෙනෙත් මා අසන්නම් ඉතින් කියන්න ඒ ඇයිද කියන්න ඔය නෙත් කියනා රහස් ඇත්තක්ද කියන්න

ඉර සැගවෙන්න කලින් සුසුම් හෙලනා අතරමන් ඈ අතරමන් ඔබ සිහින පරාගන චුම්බනය බලාසිටිනා පිටස්තර මා වැලදගන්න නුඹ ලගට එනවාද සසල මන්ද ඔය ඩෙනෙත් මා අසන්නම් ඉතින් කියන්න වචනයෙන් කියන්න නොකියෙනා හැගුමන්

ඉඩ දෙන්න
ඔය සිත් අහස
සිත්තම් කරන්න
ඉඩ දෙන්න
සිත්තම් අදින්න
ඔය මතකයේ

වලාකුල් අතර ඉද
පියාඹා ඡායාව වී එන්න
සෙවනැල්ල නොපෙනෙන්න
ඉඩ දෙන්න
මායාව වී එන්න
මායාව වී ඇවිත්
ඉඩ දෙන්න
හද පුරා හිනැහෙන්න

වැහිළිහිණි දඟකරන
සිත් ගිමන් හල ගාව
නිහඬ ස්පර්ශයෙන්
ඉඩ දෙන්න
තෙත්බරව සනසන්න
යලි නොමැකෙන්න
හද පුරා පුරවන්න
පාට පාට සිත්තමක්
ඉඩ දෙන්න

මට මතකයි...අද උඹේ උපන්දිනේ...

උඹේ උපන්දිනෙ කියන්නෙ 

මට මතකයන් ගොඩක උල්පතක්

ඒ මතකයන් මාව හැමදාමත් ජීවත් කරවනව 

හදවතට සමීප වුණ ලෙන්ගතුකම්

සදා නොමැන්කෙන මතකයන් වෙලා

මට වෙලාවකට හිතෙනව

මේ මතකයන් කෝච්චියක් වගේ,

උඹයි මමයි රේල්පීළි දෙකක් වගේ කියල

සමාන්තරයි ඒත් එකතු වෙන්නෙ නෑ

ඒත් පීළි නැතුව කෝච්චියෙ පැවැත්මක් නෑ

මම බලන් ඉන්නම්

උඹ හැමදාමත් සතුටින් ඉදපන්

උඹට සුභ උපන්දිනයක්...

වරෙක
උඹ දිහා බලන්
සිනා සෙන්න හදද්දි
උඹ ඒ හිනාව අරන්
කඳුළු මට දුන්න...
අහක බලන්
කඳුළු හලද්දි
උඹ...
ආයිමත් ඇවිත්,
ජීවිතේ ඉල්ලනව

ලක්ෂිත ප්‍රසාද් වීරසේන

මාවතේ අපි තනි වුණා

මාවතේ මඟ නැවතිලා
අපේ අත් පැටළුණා
මතකයි මට එදා
මුළු ලොවක් හැඩ වුණා

හිරු සායමේ කැළතිලා
මගේ ඇස් සැගවුණා
ඇන්ද ඒ රූ රටා
සෙවනැල්ල සිත්තම් කලා

ඇසිපියන්  ඇහැරිලා
සිත පුරා හිනැහුනා
මුමුනමින් පෙම් කතා

නුඹ මාව සැනසුවා

හිරු අවරෙ සැගවිලා

මාවතේ අපි  තනි වුණා

නුඹ ලගින් උන් නිසා

ජීවිතේ තව හැඩවුණා

ආදරය අද නිරුවත් වෙලා...

උන්මත්තක සෙනෙහස අභිමුවේ
නුඹ නොයෙනා බව දැන දැනත්
ආත්මය නොකියනා
හැගීම් මාත්‍රාවක් සොයා
ඕපපාතික හදවත
දැවි දැවී කදුළක් වෙලා...

වින්දනීය වූ

දැනෙන නොදැනෙන

බැදීම් තුරුලට අරන්

නුඹ නුඹ සොයා

මා මා සොයා

වෙහෙසීම දෝතට අරන්

විදවීම අතරමන් කලා...

සැනසීමක් සොයා

සමාව අයදිනා

සදාතන සිහිනයේ

ආදරය අද

නිරුවත් වෙලා...


ලක්ෂිත ප්‍රසාද් වීරසේන